tersuudiin shulguud

 
Тасалгаа дүүрэн манарсан утаан дундаа
Тамын амьтан сүүтэгнэх шиг аав нь сууж л байна
Төөлүүр хорхой шиг мөлхөж, төө төөгөөр өсөж
Төрсөн гал голмт чинь хүүгээ үгүйлж байна

Хуйлдар дөнгөж хичээлээс ирээд
Хуурай юм торжигнуулан хушуу ам завгүй
Хурамхан зуур ч тогтдоггүй гадсан дээр суусан галуухай
Хуруу нь хүрэхгүй юмгүй яг л савдаг элээ шиг

- Аавын чинь хамгийн нандин дурсамж
Алттын гол, Дай сайн ус
Баруун цагаан дэл, Модот
Балбаж нүдэж явсан жонш

Хагалж дийлээгүй чулуугаа
Хүүгээрээ өргүүлж
Харшиж ядарсан үедээ
Хүүгээрээ баавар чануулж
Хааяа ам мурийгаад
Хүүхэд шиг туньж
Хаагиж хүүгэхийг чинь хараад
Хүүхэд шиг баярлаж

Хадтай уулын орой дээр
Хавирга нийлүүлэн суудагсан
Хан тэнгэрийн оддыг
Харц нийлүүэн ширтдэгсэн

" Мөнгөн буурал толгой
Мөр зэрэгцэх хүүтэй " гэж
Сээрдүү зангаа таталгүй
Сэтгэл өег явлаа

Аавыгаа өтлөхөд нь хань болж
Ачийг минь миний хүү хариулсан
Амьдралд гэхдээ жам бас бий
Алсын зам чамайг бас хүлээж буй